Futbollisti i Bayern Munich, Jerome Boateng, mund të transferohet në Francë.

Jerome Boateng ka nisur bisedimet me Paris Saint-Germain për transferim në Ligue 1.

Këtë gjë e ka konfirmuar edhe drejtori ekzekutiv i Bayernit, Karl Heinz Rummenigge, i cili ka thënë se është në pritje të një oferte të kënaqshme e cila do ta bind klubin për ta shitur 29-vjeçarin.

“Momentalisht nuk ka pasur kontakte direkte mes dy klubeve”, ka thënë Rummenigge.

“Por agjentët e lojtarit dhe PSG kanë biseduar. Ne duhet të presim nëse do të gjejmë gjuhën e përbashkët për transferimin e tij”.

“Duhet të gjejmë shumën e cila do të jetë e pranueshme për të dy klubet në mënyrë që ky transferim të realizohet”.

“Ne kemi mjaftueshëm lojtarë në pozitën e mbrojtjes edhe nëse Boateng largohet”, ka theksuar ai.

Bayerni e vlerëson reprezentuesin gjerman prej 50 deri 60 milionë euro.